Agjencia e Ushqimit dhe Veterinarisë (AUV) ka informuar publikun se ka ndaluar produktin për foshnje “Beba Supreme” me peshë 800 gramë.
Ky veprim pason një lajmërim nga Autoriteti Kombëtar i Ushqimit në Shqipëri, ku u zbulua se kompania “Rossmann & LALA SH.P.K.” kishte eksportuar produktin “BEBA SUPREM PRE” në Kosovë. Ky produkt kishte një datë skadimi deri në maj 2027 dhe kodin identifikues EAN: 7613287226631, i importuar nga Rossmann Kosova.
AUV, në bashkëpunim me kompaninë përkatëse, ka bllokuar menjëherë produktin dhe planifikon të nisë procesin e asgjësimit sipas ligjeve ekzistuese. Agjencia përballet me sfida, duke përfshirë mungesën e inspektorëve, por mbetet e angazhuar në monitorimin e tregut për të siguruar që konsumatorët në Kosovë të marrin ushqim të sigurt dhe të shëndetshëm, siç është bërë e ditur në njoftimin e tyre në Facebook.
Leave a Reply