Rrjeti i OJQ-ve AVONET ka bërë të ditur se do të paraqesë një padi ndaj Qeverisë në detyrë të Republikës së Kosovës në Gjykatën Themelore në Prishtinë, duke synuar anulimin e një vendimi për miratimin e projektligjit mbi ndarjet buxhetore për vitin 2026.
Procesi pritet të zhvillohet në Departamentin për Çështje Administrative, me fillim në orën 10:30. Bashkë me padinë, AVONET do të paraqesë edhe një propozim për vendosjen e masës së përkohshme të sigurisë, me qëllim pezullimin e ekzekutimit të këtij vendimi.
Pas dorëzimit, drejtori ekzekutiv i AVONET, Kenan Gashi, do të mbajë një deklaratë për media për të sqaruar qëllimin e padisë. Sipas tij, ky veprim është në përputhje me Kushtetutën e Kosovës, Ligjin për Qeverinë dhe parimet e ndarjes së pushteteve dhe sundimit të ligjit.
Aktiviteti do të zhvillohet në Pallatin e Drejtësisë në Hajvali, me pjesëmarrjen e mediave për të siguruar transparencë dhe informim të drejtë për publikun.
Leave a Reply