Në fshatin Leshak të Leposaviqit është arrestuar një ish-pjesëtar i ministrisë së Brendshme të Serbisë, i cili dyshohet për përfshirje në rrëmbimin e shtetasit të Kosovës, Millan Vukashinoviq.
Ky incident ndodhi më 1 nëntor të këtij viti në territorin e Kosovës. Ministri në detyrë i Brendshëm, Xhelal Sveçla, konfirmoi arrestimin e ish-zyrtarit, i cili kishte qenë pjesë e Policisë së Kosovës nga viti 2013, por kishte dhënë dorëheqje më vonë.
Policia e Kosovës ofroi detaje të mëtejshme mbi rastin, duke sqaruar se gjatë bastisjes në shtëpinë e të dyshuarit janë gjetur dhe konfiskuar prova të ndryshme materiale. Mes provave të sekuestruara ishin 9 telefona celularë, një llaptop, tre dokumente formati A4, një pushkë gjuetie me 39 fishekë, një jelek për fishekë të armës së gjuetisë dhe një tytë arme.
Pas intervistimit, prokurori vendosi që i dyshuari të mbahet në paraburgim.
Leave a Reply