Analisti Baton Haxhiu ka parashikuar një rënie të Lëvizjes Vetëvendosje në zgjedhjet e 28 dhjetorit, duke deklaruar se partia ka humbur mes 3 dhe 4 përqind të votuesve rezidentë.
Ai ka ndarë këto vlerësime në emisionin Pressing, ku ka theksuar se Vetëvendosje po përpiqet të kompensojë këtë humbje me votat nga diaspora. Sipas Haxhiut, kjo strategji nuk është e mjaftueshme për të ruajtur mbështetjen e mëparshme prej 41 përqind.
Haxhiu ka vënë në dukje se hyrjet e diasporës që nga 15 dhjetori numërojnë nga 260 deri në 310 mijë njerëz, por vetëm rreth 90 deri në 110 mijë prej tyre janë votues potencialë. Duke analizuar këto të dhëna, ai sugjeron se Vetëvendosje mund të arrijë mes 38.3 dhe 39.5 përqind të votave.
Megjithatë, me votat që vijnë me postë nga diaspora, partia mund të kapërcejë sërish 40 përqind, duke arritur ndoshta deri në 41 përqind. Haxhiu shtoi se opozita mund të marrë 61 përqind të votave, duke lënë Vetëvendosjen me 39 përqind.
Leave a Reply