Bedri Hamza, kryetari i Partisë Demokratike të Kosovës dhe kandidati për Kryeministër, zhvilloi një takim në Prizren me përfaqësues të biznesit dhe zejtarëve lokalë.
Në këtë takim, i cili u mbajt në ambientet e ESNAF-it, Hamza theksoi rëndësinë e dialogut të hapur me sektorin privat për nxitjen e zhvillimit ekonomik. Gjatë prezantimit të tij, Hamza shpalosi disa masa fiskale që synojnë të lehtësojnë burokracinë dhe barrën financiare për bizneset.
Ndër këto masa përfshihet ndryshimi i mënyrës së pagesës së TVSH-së për mallrat e importuara, duke e bërë atë pas shitjes dhe jo në kufi. Gjithashtu, bizneset me qarkullim deri në 10,000 euro do të jenë të liruara nga tatimet, ndërsa ato deri në 30,000 euro do të tatohen sipas fitimit real.
Hamza beson se përmirësimi i aksesit në kredi dhe krijimi i kushteve më të favorshme për investitorët do të rrisë konkurrencën dhe punësimin. Ai e përmbylli me mesazhin e tij të fushatës, duke theksuar rëndësinë e bashkëpunimit për zhvillimin e sektorit privat në Kosovë.
Leave a Reply