Bekim Hamëz Jashari ka shprehur shqetësim të madh ndaj deklaratave të disa individëve dhe politikanëve në Kosovë, të cilët kanë krahasuar veprimet e Qeverisë së Kosovës në veri me krimet e regjimit të Sllobodan Millosheviqit.
Ai i ka quajtur këto deklarata si fyerje të rëndë ndaj sakrificave të popullit shqiptar, veçanërisht kur vijnë nga persona që pretendojnë të jenë afër figurës së Adem Jasharit. Jashari thekson se veprimet e qeverisë synojnë vendosjen e rendit dhe funksionimin e institucioneve në gjithë territorin e Kosovës dhe nuk mund të barazohen me krimet serbe.
Ai paralajmëron se deklarata të tilla u shërbejnë interesave të Serbisë, të cilat synojnë destabilizimin e Kosovës dhe relativizimin e krimeve të së kaluarës. Në përfundim, Jashari bën thirrje për unitet dhe përgjegjësi kombëtare, duke theksuar rëndësinë e një lidershipi që i shërben interesave strategjike të Kosovës dhe jo interesave të ngushta partiake.
Ai nënvizon nevojën për politikë që bashkon dhe jo përçarjen e brendshme.
Leave a Reply