Fadil Berjani, kryetar i Shoqatës së Naftarëve të Kosovës, ka kritikuar vendimin e fundit të Ministrisë së Tregtisë për vendosjen e çmimeve tavan për derivatet, duke pretenduar se kjo bie në kundërshtim me Kushtetutën e Kosovës.
Ai thekson se neni 10 i Kushtetutës garanton një treg të lirë dhe liberal, një parim që, sipas tij, është injoruar me këtë vendim. Berjani shpreh gjithashtu shqetësimin se Shoqata e Naftarëve nuk është konsultuar siç kërkohet nga udhëzimet ligjore, duke e cilësuar këtë si një shkelje të rregulloreve dhe ligjit.
Ai kërkon që Ministria të ofrojë prova konkrete nëse ka ndodhur abuzim me çmimet në treg. Sipas Berjanit, tregu kosovar i derivateve karakterizohet nga konkurrenca e madhe me mbi 60 importues aktivë, gjë që ka sjellë çmimet më të ulëta në rajon për qytetarët.
Ai thekson se, nëse ka abuzime, Ministria duhet të identifikojë përgjegjësit.
Leave a Reply