Bilall Sherifi nga Nisma Socialdemokrate ka folur për marrëdhëniet me Aleancën për Ardhmërinë e Kosovës (AAK), duke sugjeruar se pas intervistës së fundit të Fatmir Limajt, ka pasur një tendosje në lidhjet e tyre.
Gjatë një interviste në emisionin Pressing në T7, Sherifi theksoi se nga AAK nuk kanë pasur më komunikim. Ai shpjegoi se ndonëse do të pranonte nëse Limaj do të kishte bërë gabim, situata nuk ishte e tillë dhe qëndrimi i AAK-së nuk ka qenë i hapur ndaj Limajt.
Sherifi vlerësoi se situata aktuale është rezultat i mosdëgjimit dhe mungesës së bashkëpunimit nga ana e AAK-së. Kjo prishje e kontakteve duket të jetë e lidhur drejtpërdrejt me përmbajtjen e intervistës së Limajt, e cila ka shkaktuar pakënaqësi në radhët e AAK-së.
Leave a Reply