Federata e Futbollit të Kosovës, në partneritet me Albi Mall, sponsorin zyrtar të Superligës, ka vazhduar me dhënien e çmimit “Ylli i Javës” për futbollistin më të spikatur.
Për javën e tetë të kampionatit, ky titull iu dha Blendi Baftiut të FC Prishtina. Ai realizoi golin vendimtar kundër FC Ballkanit, duke i dhënë fitores ekipit të tij me rezultat 1:0.
Ky vlerësim është bërë nga Komisioni i Veteranëve të Futbollit, ku Baftiu shprehu gëzimin për këtë nderim, duke theksuar kontributin e shokëve të skuadrës dhe tifozëve “Plisat”. Ai nënvizoi rëndësinë e fillimit pozitiv të sezonit dhe fitoren emocionuese në derbin kundër Ballkanit.
“Goli im na dha tre pikë të rëndësishme dhe e ndaj këtë çmim me bashkëlojtarët dhe tifozët tanë, të cilët na mbështesin pa ndërprerje,” tha Baftiu. Gjithashtu, ai shprehu dëshirën për të mbajtur këtë formë të mirë dhe për të kontribuar më tej në suksesin e skuadrës.
Prishtina, si skuadra më e madhe në vend, ka ambicie të qarta për titullin kampion këtë sezon.
Leave a Reply