Kombëtarja e Bullgarisë është shpallur kampione në turneun IHF Trophy për hendbollistet nën 17 vjeç, i cili përfundoi të dielën në Prishtinë pas një gare pesëditore të mbajtur në Pallatin e Rinisë.
Bullgaria dominoi kompeticionin duke fituar të gjitha ndeshjet, ndërsa Belgjika zuri vendin e dytë në renditje. Ivet Konstandinova nga ekipi bullgar u nderua me çmimin e lojtares më të mirë të kampionatit, kurse Luiza Nikitchenko nga Azerbajxhani u shpall golashënuesja më e mirë me 35 gola të shënuar.
Trofeu i kampionit iu dorëzua kapitenes bullgare nga presidenti i Federatës së Hendbollit të Kosovës, Edin Kolgeci. Kjo e martë shënon fillimin e IHF Trophy për hendbollistet nën 19 vjeç, duke vijuar kështu aktivitetet ndërkombëtare për të rinjtë në këtë sport.
Leave a Reply