Burim Shala, kryeshefi i “Eko-Regjioni”, është liruar pasi Gjykata refuzoi kërkesën e Prokurorisë Speciale për ta vendosur atë në paraburgim.
Avokati i tij, Blerim Mazreku, bëri të ditur se vendimi i gjykatës erdhi për shkak të mungesës së provave të mjaftueshme për një masë të tillë. Mazreku deklaroi se gjykata nuk lejoi paraburgimin pa prova të qarta, duke theksuar se Shala është tashmë i lirë.
Ky zhvillim pason kërkesën e Prokurorisë, e cila synonte caktimin e një mase sigurie për Shalën, por gjykata vendosi kundër kësaj kërkese duke konstatuar se provat e paraqitura nuk ishin të mjaftueshme.
Leave a Reply