Analisti Genc Burimi ka deklaruar se Serbia nuk pritet të ekstradojë Milan Radoiçiqin, i cili është i kërkuar nga Kosova për rolin e tij në sulmin terrorist në Banjskë më 24 shtator 2023. Gjatë një interviste në emisionin “Kosova Today,” Burimi theksoi se presidenti serb, Aleksandar Vuçiq, u takua me senatorin amerikan Marco Rubio, ku u kërkua që Serbia të mos destabilizojë Ballkanin Perëndimor.
Burimi vuri në dukje se nëse Radoiçiqi kthehet në Kosovë dhe arrestohet, do të ishte një arritje e madhe, por ekstradimi nga Serbia është i pamundur. Ai theksoi: “Duhet ta kuptoni që Serbia e konsideron veten në luftë me Kosovën.” Gjithashtu, Burimi informoi se Vuçiqi mori paralajmërime për të mos trazuar situatën në Bosnje e Hercegovinë dhe Kosovë, duke theksuar se administrata e presidentit amerikan Donald Trump nuk toleron destabilizimin.
Leave a Reply