Eugen Cakolli nga KDI ka deklaruar se Komisioni Qendror i Zgjedhjeve nuk mund të shpallë rezultatet përfundimtare pa kaluar periudha 48-orëshe e parashikuar për ankesa lidhur me numërimin e votave në QNR.
Sipas Cakollit, legjislacioni zgjedhor u jep të drejtën partive politike dhe kandidatëve që të paraqesin ankesa për çdo shkelje të mundshme gjatë procesit të numërimit, brenda 48 orëve nga momenti i dyshuar i shkeljes. Ai thekson se këto ankesa janë një çështje e ligjshmërisë procedurale dhe dallohen nga ankesat mbi vlefshmërinë e rezultateve përfundimtare.
Cakolli gjithashtu ka vënë në dukje se çdo pjesë e procesit zgjedhor, përfshirë numërimin në QNR, duhet të jetë e hapur për kontrollin ligjor, dhe çdo pengesë ndaj të drejtës për ankesë do të përbënte një shkelje të së drejtës ligjore të garantuar.
Leave a Reply