Hajrulla Çeku, kandidati i Lëvizjes Vetëvendosje për kryetar të Prishtinës, ka zhvilluar një takim me banorët e Vranidollit, ku prezantoi disa projekte për përmirësimin e infrastrukturës lokale.
Ai ka premtuar se më 9 nëntor do të nisë realizimi i këtyre projekteve, të cilat do të kenë ndikim në çdo rrugë dhe familje. Projekti përfshin rehabilitimin e dy rrugëve kryesore të fshatit, duke përfshirë ndërtimin e trotuareve dhe rregullimin e ndriçimit publik.
Gjithashtu, parashikohet ndërtimi i një çerdheje për fëmijët e Vranidollit dhe fshatrave përreth. Për të mbrojtur tokat bujqësore nga vërshimet, do të ndërmerren masa përgjatë lumit Llap, ndërsa do të trajtohet edhe kanalizimi për ujëra atmosferikë.
Çeku gjithashtu theksoi rëndësinë e krijimit të hapësirave për lojë për fëmijët dhe mirëmbajtjen e varrezave. Ai vuri në dukje se këto projekte janë konkrete dhe do të realizohen, duke mos u mjaftuar me plane të paqarta.
“Bashkë për Prishtinën tonë!”, ka përfunduar ai në postimin e tij në rrjetet sociale.
Leave a Reply