Kandidati për kryetar të Prishtinës, Hajrullah Çeku, ka theksuar domosdoshmërinë e një menaxhimi të kujdesshëm të kryeqytetit, duke theksuar rëndësinë e përmbushjes së nevojave bazë të qytetarëve.
Në një intervistë në Debat Plus, Çeku vuri në dukje se funksionaliteti i qytetit duhet të jetë një nga prioritetet kryesore të tij. Çeku argumentoi se Prishtina ka nevojë për një qasje serioze që fillon me trajtimin e aspekteve themelore të jetës së përditshme, të cilat janë thelbësore për një qytet funksional.
Ai përmendi se çështje të tilla si mobiliteti, trafiku, dhe mirëmbajtja e qytetit, si dhe efikasiteti i ndërmarrjeve komunale, janë të rëndësishme për përmirësimin e përditshmërisë së qytetarëve. Me këtë qasje, Çeku synon të sigurojë që Prishtina të bëhet një vend më i mirë për të jetuar, duke u përqendruar te nevojat reale dhe të përditshme të banorëve të saj.
Leave a Reply