Kandidati i Vetëvendosjes për Komunën e Prishtinës, Hajrulla Çeku, ka ushtruar të drejtën e tij për të votuar në zgjedhjet lokale, duke bërë thirrje për pjesëmarrje masive të qytetarëve në këtë proces demokratik.
Çeku ka shprehur shpresën se dita e zgjedhjeve do të zhvillohet pa probleme dhe se do të jetë një moment pozitiv për demokracinë dhe qytetin. “Përmbyllim një proces të gjatë zgjedhor me votën tonë, që është detyrim dhe angazhim për qytetin.
Shpresoj që dita të shkojë mbarë për demokracinë dhe kryeqytetin tonë,” tha Çeku. Ai theksoi rëndësinë e pjesëmarrjes në votim për një qeverisje të mirë gjatë katër viteve të ardhshme.
Çeku gjithashtu uroi që pavarësisht rezultatit, mandati i ardhshëm të sjellë të mirëqenë për qytetarët e Prishtinës. Ai inkurajoi të gjithë qytetarët të ushtrojnë të drejtën e tyre për të votuar, duke kontribuar kështu në demokraci dhe qeverisje efektive.
Leave a Reply