Nexhat Daci, ish-kryetari i Kuvendit të Kosovës, u nda nga jeta në moshën 81-vjeçare dhe iu dha lamtumira e fundit të enjten.
Ai u varros në një ceremoni shtetërore në varrezat e lagjes Dragodan në Prishtinë, ku morën pjesë liderët e shtetit, figura të institucioneve, akademikë, si dhe familjarë e miq. Homazhe në nder të tij u mbajtën në ambientet e Kuvendit të Kosovës, pasuar nga një Akademi Përkujtimore.
Gjatë kësaj ceremonie, presidentja e Kosovës, Vjosa Osmani, vlerësoi kontributin e Dacit në ndërtimin e shtetit dhe forcimin e demokracisë në vend. Kryeministri në detyrë, Albin Kurti, e përshkroi Dacin si një shembull i përkushtimit në betejat politike dhe funksionimin e duhur të Kuvendit të Kosovës.
Leave a Reply