Tre ditë përpara balotazhit të 9 nëntorit, kryeministri në detyrë, Albin Kurti, ka njoftuar se është kryer pagesa për grupin e parë të studentëve që do të përfitojnë nga shuma prej 100 eurosh.
Ky veprim ka ngjallur reagime nga deputetja e Partisë Demokratike të Kosovës, Vlora Çitaku, e cila e ka kritikuar qeverinë duke e quajtur këtë një “abuzim me taksat e qytetarëve” për qëllime elektorale. Çitaku shprehu mendimin se ky veprim nuk përfaqëson kujdes social apo mbështetje për rininë, por është një formë manipulimi dhe papërgjegjësie që reflekton panik.
Ajo ndau një postim në rrjetet sociale ku theksoi se shpërndarja e kësaj pagese vjen në një kohë kur qytetarët po përballen me kosto të larta jetese, përfshirë rritjen e çmimit të energjisë, duke akuzuar qeverinë për shërbim ndaj interesave të mafias energjetike.
Leave a Reply