Çmimet globale të naftës bien, pritje për ulje edhe në Kosovë

Çmimet e naftës pësuan një rënie të ndjeshme sot në tregjet ndërkombëtare, duke u ulur nën kufirin e 61 dollarëve për fuçi.

Në Londër, çmimi ra në 60.57 dollarë për fuçi, duke u ulur me 72 cent krahasuar me mbylljen e tregut në fund të javës së kaluar. Ndërkohë, në tregun amerikan, çmimi i një fuçie zbriti me 66 cent, duke arritur në 56.88 dollarë.

Analistët tregojnë se kjo rënie pasqyron shqetësimet për një tepricë të mundshme furnizimi drejt fundit të këtij viti dhe në fillim të vitit të ardhshëm, e cila ka ndikuar në dobësimin e ndjenjës së tregut.