Në Çarshinë e Vjetër të Shkupit, dy familje po përgatiten për dasma dhe po kërkojnë çmimet më të mira për arin, megjithëse shtrenjtësia është e lartë.
Një qytetar nga Koçani tregoi se kishte ardhur për të blerë ar, por çmimet e larta përbëjnë sfidë të madhe. Një tjetër qytetar tha se për dasmën e djalit po kërkonte të blinte ari me vlerë 20 deri në 30 mijë euro.
Ndërkohë, shitësit në treg ankohen për uljen e shitjeve, duke theksuar se luhatjet e çmimeve në bursë ndikojnë negativisht në tregti. “Aktualisht, ari shitet me çmim të lartë dhe klientët blejnë më pak,” tha një shitës, duke shtuar se më parë me 100 euro mund të bliheshin disa gramë më shumë.
Pavarësisht rritjes së vazhdueshme për rreth dhjetë javë, çmimi i arit ra në dy ditët e fundit, duke arritur 4.775 dollarë për ons dhe duke shënuar një rënie ditore prej 11 për qind. Kjo pas një rritjeje prej 88 për qind gjatë vitit të fundit dhe 19 për qind që nga fillimi i vitit.
Argjendi gjithashtu pësoi rënie, duke zbritur mbi 33 për qind në 76,1 dollarë për ons.
Leave a Reply