Ekonomisti Adem Qorrolli ka vënë në dukje se sfidat energjetike në Kosovë janë themelore dhe po ndikojnë negativisht në zhvillimin ekonomik, bizneset dhe mirëqenien e qytetarëve.
Sipas tij, energjia elektrike është element i domosdoshëm për mbijetesë dhe përparim ekonomik, por institucionet nuk e kanë trajtuar si prioritet. Qorrolli kritikoi qeverinë aktuale për qëndrimin e saj kundërshtues ndaj projekteve energjetike strategjike, duke përmendur një projekt të përbashkët me institucionet amerikane që mund të kishte zgjidhur problemet energjetike të vendit.
Ai theksoi se mospranimi i këtij bashkëpunimi nga qeveria është një gabim i rëndë. Për më tepër, Qorrolli parashikoi se në mars çmimi i energjisë elektrike do të rritet për 15%.
Ai shtoi se qytetarët janë ata që po paguajnë çmimin e këtyre vendimeve, duke u përballur me rritje të kostove energjetike.
Leave a Reply