Dardan Molliqaj, kryetari i Partisë Socialdemokrate, ka kritikuar qeverinë në lidhje me menaxhimin e sektorit të energjisë elektrike në Kosovë.
Molliqaj vuri në dukje se furnizuesi dhe shpërndarësi janë privatizuar, por sipas tij, Lëvizja Vetëvendosje nuk ka ndërmarrë asnjë hap konkret kundër KEDS-it dhe KESCO-s gjatë mandatit të saj. Gjatë një interviste në emisionin “Pressing”, Molliqaj theksoi se qeveria aktuale nuk ka bërë përpjekje për të rritur kapacitetet në këtë sektor.
Ai kritikoi faktin se për pesë vite nuk është ndërmarrë asnjë veprim domethënës, përveç takimeve me drejtuesit dhe pronarët turq të këtyre kompanive. Molliqaj kërkoi nga opozita që të adresojë çështjen kryesore: çfarë plane kanë për KEDS-in dhe si do të veprojnë në të ardhmen.
Leave a Reply