Kryetari i Kuvendit të Kosovës, Dimal Basha, priti një delegacion prej dhjetë deputetësh nga parlamenti i Finlandës, të shoqëruar nga ambasadorja Eevamari Laaksonen.
Në këtë takim, Basha shprehu mirënjohjen për mbështetjen e vazhdueshme të Finlandës ndaj Kosovës, duke theksuar rëndësinë e kësaj ndihme për konsolidimin demokratik të vendit. Gjatë diskutimeve, Basha ritheksoi synimet e Kosovës për anëtarësim në organizatat ndërkombëtare dhe orientimin e saj drejt integrimit evropian.
Ai vuri në dukje vlerat perëndimore të demokracisë dhe lirisë që karakterizojnë Kosovën, pavarësisht sfidave nga Serbia. Basha gjithashtu nënvizoi përkushtimin e Kosovës për të respektuar të drejtat e të gjitha komuniteteve, duke siguruar pjesëmarrje të barabartë në jetën publike dhe politike.
Ai përmendi reformat institucionale dhe përpjekjet kundër korrupsionit si dëshmi të përparimit të vendit, të cilat janë konfirmuar nga indekset ndërkombëtare që vlerësojnë liritë dhe zhvillimin ekonomik të Kosovës.
Leave a Reply