Gjykata në Tiranë ka dhënë dënim të përjetshëm për Arsen Muskurtin për vrasjen e vëllait të tij, Dritan Muskurti, dhe kunatës, Nora Muskurti, një ngjarje që ndodhi në gusht 2022.
Ngjarja tragjike ndodhi brenda agjencisë së udhëtimeve “Nour Tours”, ku Arsen Muskurti, i armatosur, vrau dy viktimat në vend. Prokuroria ka vërtetuar fajësinë e tij për tri vepra penale, përfshirë vrasjen për shkak të marrëdhënieve familjare të dyfishtë dhe mbajtjen e armëve pa leje.
Gjykata ka urdhëruar që ai të vuajë dënimin në një burg të sigurisë së lartë, ndërsa dënimi i tij filloi që nga dita e arrestimit më 30 gusht 2022. Konfliktet e vazhdueshme me vëllanë, të cilin e akuzonte për shantazhe, ishin motivi kryesor që çoi në këtë akt të rëndë.
Marrëdhëniet mes tyre kanë qenë të tensionuara për një kohë të gjatë, me mosmarrëveshje që nuk u zgjidhën kurrë në rrugë ligjore.
Leave a Reply