Në javët e fundit, një numër i madh komisionerësh dhe anëtarësh të partive politike në Kosovë janë arrestuar me dyshimin për manipulim të votave dhe korrupsion, ku disa janë akuzuar për parregullsi gjatë numërimit dhe procesimit të votave, ndërsa të tjerët për marrje dhe dhënie ryshfeti.
Sipas të dhënave nga Këshilli Gjyqësor i Kosovës (KGJK), ndëshkimet për manipuluesit e votave gjatë viteve kanë qenë të lehta. Në vitin 2011, nga 15 persona të dënuar me burg, 11 u dënuan me kusht dhe 1 me gjobë, ndërsa për 8 raste të tjera ende nuk ka epilog.
Vitet e mëvonshme vazhduan me pak ndëshkime efektive. Në vitin 2012, asnjë person nuk përfundoi në burg, ndërsa në 2015, nga 56 të pandehur, vetëm një përfundoi në burg.
Në vitin 2021, nga 180 të akuzuar, shumica morën dënime me kusht ose me gjobë, dhe vetëm 2 u burgosën. Nga viti 2011 deri në 2021, vetëm 32 persona morën dënime me burgim, tregojnë të dhënat e KGJK-së, duke vënë në dukje nevojën për ndëshkime më efektive për të parandaluar manipulimet zgjedhore.
Leave a Reply