Presidentja e Kosovës, Vjosa Osmani, planifikon të mbledhë partitë politike për konsultime, pasi përpjekja për formimin e qeverisë së re dështoi të dielën.
Deputeti i Lidhjes Demokratike të Kosovës, Krenar Xhaferi, ka shprehur gatishmërinë e partisë së tij për të marrë pjesë në këto diskutime. Në një intervistë televizive në “Edicioni Special” të Klan Kosovës, Xhaferi theksoi rëndësinë e respektimit të institucioneve shtetërore.
Ai potencoi se vendi ndodhet në prag të zgjedhjeve të reja, duke argumentuar se nuk ka logjikë për krijimin e koalicioneve të reja. Sipas tij, përgjegjësia për formimin e qeverisë së re duhet të bjerë mbi LDK-në, çka do të ndihmonte në zgjidhjen e krizës aktuale politike dhe shmangien e zgjedhjeve të parakohshme.
Leave a Reply