Nga dita e sotme, vendimi i Gjykatës Supreme për të shfuqizuar detyrimin që pensionistët të paraqiten çdo gjashtë muaj për të dëshmuar se janë gjallë ka hyrë në fuqi.
Ky ndryshim prek vetëm përfituesit e pensioneve kontribuuese, pensioneve parciale dhe atyre familjare, ndërkohë që pensionistët bazikë dhe ata me pension të parakohshëm vazhdojnë të kenë këtë obligim. Në një intervistë për Radio Kosovën, pensionisti Enver Sopi theksoi se deri më sot, pensionistët detyroheshin të paraqiteshin çdo gjashtë muaj.
Një tjetër pensioniste, Sevdije Hasani, e konsideroi këtë praktikë si maltretim, duke vënë në dukje se jo të gjithë janë në gjendje të paraqiten për shkak të problemeve shëndetësore. Ndërkohë, Sherif Kastrati, sekretari i Lidhjes së Pensionistëve, shprehu shpresën që institucionet do të marrin masa për të përfshirë edhe kategoritë e tjera në këtë vendim.
Ministria e Financave ka konfirmuar se do të rishikojë udhëzimin administrativ për të përputhur atë me vendimin e Gjykatës. Ky vendim është publikuar në Gazetën Zyrtare të Republikës së Kosovës.
Leave a Reply