Dhëndri i kryetarit të Komunës së Suharekës, Bali Muharremaj, Leotrim Gërmizaj, është punësuar si Këshilltar Juridik në Zyrën Rajonale të Avokatit të Popullit në Prizren.
Ai mori 76 pikë në procesin e vlerësimit më 26 nëntor 2025. Gazeta Insajderi ka kërkuar komente nga Gërmizaj dhe Muharremaj për ndonjë mundësi konflikti interesi, por të dy nuk kanë kthyer përgjigje.
Në anën tjetër, Institucioni i Avokatit të Popullit ka deklaruar se procedurat e punësimit janë ndjekur në përputhje me ligjin dhe rregulloret. Ata mohojnë çdo ndikim në rehatimin e Gërmizajt, duke theksuar se pozitat e reja propozohen nga drejtorët e departamenteve dhe aprovohen nga Sekretari i Përgjithshëm pas një konkursi publik.
Në të njëjtin institucion punon edhe vajza e Muharremajt, Duresa Muharremaj, si Zyrtare Juridike për Pranim dhe Administrim të Ankesave. Ngritja e këtyre çështjeve ka vënë në pikëpyetje transparencën e procesit të përzgjedhjes, ndërsa lidhjet e mundshme politike dhe familjare kanë shtuar dyshimet për favorizim në punësim.
Leave a Reply