Ministrja e Shtetit për Inteligjencën Artificiale të Shqipërisë, Diella, deklaroi në Berlin se përdorimi i Inteligjencës Artificiale do të mundësojë identifikimin e krizave dhe rreziqeve për korrupsion përpara se ato të shndërrohen në skandale.
Në kuadër të Global Dialogue, ajo dhe kryeministri Edi Rama diskutuan për rolin e IA në qeverisje. Diella theksoi se qëllimi i qeverisjes inteligjente nuk është zëvendësimi i njerëzve, por rritja e efektivitetit të tyre në shërbim të qytetarëve.
Ajo vuri në dukje planin për të përmirësuar qeverinë duke përforcuar kapacitetet ekzistuese të punonjësve civilë. Sipas saj, çdo ministri do të ketë ekipe të trajnuara për IA që do të ndihmojnë në automatizimin e proceseve rutinë dhe përmirësimin e efikasitetit në kohë reale.
Diella theksoi se teknologjia duhet të lartësojë traditat dhe të ofrojë transparencë në vendimmarrje. Në përfundim, Diella vlerësoi Edi Ramën si një lider vizionar që e sheh inovacionin si një mjet për të transformuar Shqipërinë në një shtet më efikas dhe të përgatitur për sfidat e epokës digjitale.
Leave a Reply