Një ngjarje e rëndë ka ndodhur në Durrës, ku Altin Ndoci arriti të arratiset gjatë një vizite mjekësore në spitalin e qytetit.
Drejtoria e Përgjithshme e Burgjeve ka zbuluar shkelje të shumta nga punonjësit e burgjeve, që çuan në këtë arratisje. Si rezultat, janë arrestuar shtatë efektivë të Policisë së Burgjeve dhe kryeinfermieri i IEVP Durrës.
Sipas hetimeve paraprake, IEVP Durrës nuk informoi as Drejtorinë e Përgjithshme të Burgjeve dhe as Komisariatin e Policisë për vizitën mjekësore të Ndocit. Gjithashtu, nuk u respektuan procedurat standarde për shoqërimin e të paraburgosurve.
Këto shkelje çuan Prokurorinë e Durrësit të lëshojë urdhër-arreste për të përfshirët. Ndërkohë, drejtori i paraburgimit të Durrësit, Indrit Cerloj, u shkarkua nga Ministri i Drejtësisë, Besfort Lamallari.
Nga ana tjetër, raportimet tregojnë se Ndoci, pas një vizite kardiologjike, kërkoi të përdorte tualetin, ku i shoqëruar nga policët arriti të sulmojë dhe të arratiset. Drejtoria kishte pezulluar më herët 12 zyrtarë, përfshirë drejtorin dhe shefin e policisë së burgut.
Leave a Reply