Në sfidën e katërt të Ligës së Konferencës, Drita e Kosovës arriti të triumfojë ndaj Shkëndijës me rezultat minimal 1-0, në ndeshjen e zhvilluar në stadiumin “Fadil Vokrri”.
Ndeshja nisi me lojtarët që iu bashkuan tifozëve duke kënduar “Mora fjalë”, duke treguar një unitet të veçantë para fillimit të lojës. Goli vendimtar u realizua nga Arb Manaj në minutën e 20-të, pas një harkimi të saktë të Besnik Krasniqit.
Gjatë pjesës së parë, Drita dominoi lojën, ndërsa Shkëndija u përpoq të kërcënonte me kundërsulme, por pa sukses. Në gjysmën e dytë, Shkëndija pati një fillim të fuqishëm, me Liridon Latifin që gati sa nuk shënoi një gol të jashtëzakonshëm nga një goditje e lirë, e cila u ndal nga traversa.
Besart Ibraimi gjithashtu kishte një mundësi për të barazuar, por portieri Faton Maloku bëri një pritje të shkëlqyer. Me këtë fitore, Drita ngjitet në vendin e tetë në renditjen e Ligës së Konferencës me tetë pikë, ndërsa Shkëndija mban vendin e 25-të me katër pikë.
Drita tashmë e ka pothuajse të sigurt kalimin në play-off, ndërsa Shkëndija mbetet ende në garë.
Leave a Reply