Dy gra në Koshuticë të Leposaviqit raportuan një incident të rëndë në oborrin e shtëpisë së tyre, ku gjetën një person të shtrirë me plagë në disa pjesë të trupit.
Viktima, një shtetas sirian rreth të 40-ave, u transportua fillimisht në spitalin e Mitrovicës së Veriut, dhe më pas u transferua në atë të Mitrovicës së Jugut për trajtim të mëtejshëm. Ndërkohë, policia raportoi për një tjetër sirian, 27-vjeçar, me plagë në kokë dhe këmbë, të cilat dyshohet se janë shkaktuar nga një mjet i mprehtë.
Ky incident besohet të ketë ndodhur një natë më parë dhe personi i dyshuar është larguar drejt kufirit serb. Njësitë e emergjencës kanë dërguar të dy viktimat për trajtim në spital, ndërsa hetimet për të sqaruar rrethanat e ngjarjes janë në vazhdimësi.
Policia po punon për të zbuluar detaje të mëtejshme lidhur me këtë rast të rëndë.
Leave a Reply