Kryetari i Nismës Socialdemokrate, Fatmir Limaj, ka komentuar vendimin e Gjykatës Kushtetuese në emisionin Pressing në T7, ku u konstatua se zgjedhja e Nenad Rashiq si nënkryetar i Kuvendit nga komuniteti serb ishte në kundërshtim me Kushtetutën dhe Rregulloren e Punës së Kuvendit të Kosovës.
Limaj theksoi se presidentja Vjosa Osmani ka vepruar në mënyrë që ka krijuar pasiguri juridike dhe duhet të mbajë përgjegjësi për këtë. Sipas Limajt, presidentja ka pranuar një konstituim të kuvendit që nuk përputhet me dispozitat kushtetuese dhe ka mandatuar një individ të pa zgjedhur, gjë që, sipas tij, përbën shkelje të Kushtetutës.
Ai argumentoi se përgjegjësia për këtë akt duhet të përfshijë edhe dorëheqjen e saj. Në diskutimet e tij, Limaj ritheksoi rëndësinë e respektimit të rregullave kushtetuese për të siguruar stabilitetin juridik në vend.
Leave a Reply