Kryetari i Nismës Socialdemokrate, Fatmir Limaj, ka thirrur një konferencë të posaçme për mediat, e cila do të zhvillohet sonte në orën 21:30 në selinë qendrore të partisë në Pejton.
Limaj ende nuk e ka publikuar listën e kandidatëve të partisë, ndërkohë afati për këtë veprim përfundon para mesnate. Në njoftimin e bërë publik, theksohet se Limaj do të mbajë një fjalim për mediat.
Kjo konferencë vjen në një kohë kur pritet të zbulohen detaje të rëndësishme lidhur me garën e ardhshme politike të Nismës Socialdemokrate. Mediat janë ftuar të marrin pjesë për të ndjekur drejtpërdrejt komunikimin e Limajt, ku pritet të trajtohen çështje me rëndësi për partinë dhe elektoratin.
Leave a Reply