Faton Peci fiton në Mitrovicë me 53.47% të votave

Sot përfundoi procesi i numërimit të votave në Mitrovicën e Jugut, pasi Komisioni Qendror i Zgjedhjeve (KQZ) përditësoi të dhënat zyrtare.

Numërimi u mbyll pasi dy vendvotime të mbetura pa u numëruar gjatë natës së kaluar u përfunduan. Rezultatet e fundit tregojnë se kandidati i Lëvizjes Vetëvendosje, Faton Peci, ka dalë fitues me 53,47 për qind të votave, duke siguruar gjithsej 17,837 vota.

Në anën tjetër, kandidati i Partisë Demokratike të Kosovës (PDK), Arian Tahiri, ka arritur të mbledhë 46,53 për qind të votave, që i korrespondon me 15,522 vota. Përfundimi i numërimit shënon mbylljen e procesit zgjedhor në qytet, duke nxjerrë në pah fitoren e Pecit në këtë garë elektorale.