Më 2 dhjetor, Federica Mogherini, ish-Përfaqësuese e Lartë e BE-së për Politikën e Jashtme, u ndalua në kuadër të një hetimi për mashtrim që përfshin Shërbimin Europian për Veprim të Jashtëm dhe Kolegjin e Europës.
Sipas mediave italiane, Mogherini dhe dy të tjerë, përfshirë Stefano Sannino, u liruan gjatë natës pas marrjes në pyetje nga policia gjyqësore belge. Akuzat që rëndojnë mbi ta lidhen me mashtrim dhe korrupsion në tendera, konflikt interesi dhe shkelje të sekretit profesional.
Hetimi fokusohet në rolin aktual të Mogherinit si rektore e Kolegjit të Europës. Dyshohet se Shërbimi i Jashtëm i BE-së, përmes një tenderi të dyshimtë në 2022, caktoi Kolegjin për organizimin e Akademisë Diplomatike të BE-së.
Para hapjes së tenderit, Kolegji kishte blerë një ndërtesë në Bruges për 3.2 milionë euro, për akomodimin e studentëve, në një kohë kur Komisioni Europian po përballej me vështirësi financiare. Kjo blerje mundësoi fitimin e tenderit me vlerë 654 mijë euro.
Leave a Reply