Kryetari i Vushtrrisë, Ferit Idrizi, apelon për mbështetje nga qytetarët në zgjedhjet e ardhshme, duke theksuar angazhimin e tij të vazhdueshëm ndaj komunës.
Në një intervistë për emisionin “DPT te Fidani” në Klan Kosova, Idrizi theksoi praninë e tij në momente kritike dhe realizimin e projekteve kyçe për qytetin. Idrizi përmendi se gjatë situatave emergjente, si përmbytjet, ka qëndruar në terren deri në mesnatë për të asistuar ekipet e emergjencës.
Gjithashtu, gjatë zjarreve, ai ka qenë i pranishëm përkrah zjarrfikësve. Përveç përballjes me emergjencat, Idrizi theksoi investimet e tij në projekte të mëdha për qytetin, me fokus të veçantë tek rinia dhe arsimi.
Sipas Idrizit, këto përpjekje janë arsyeja kryesore që ai meriton një mandat të ri, duke u përqendruar në përmirësimin e jetës së qytetarëve të Vushtrrisë.
Leave a Reply