Trajneri i Kosovës, Franco Foda, ka komentuar për shortin e Kupës së Botës, duke theksuar rëndësinë e kualifikimit të ekipit në këtë turne madhor.
Në rast të suksesit në ndeshjet e ardhshme, Kosova do të përballet me Shtetet e Bashkuara, Paraguain dhe Australinë në fazën e grupeve. Foda theksoi se grupi është mjaft interesant, por që fokusi kryesor mbetet kualifikimi.
Kosova ka përpara dy ndeshje kyçe në mars, ku sfida e parë do të jetë kundër Sllovakisë në transfertë, një ndeshje që duhet fituar. Nëse kalon këtë pengesë, do të takojë fituesin e çiftit mes Turqisë dhe Rumanisë.
Trajneri vlerësoi atmosferën në ngjarjen e shortit si fantastike dhe shprehu entuziazmin për mundësinë e pjesëmarrjes në Botëror, duke shtuar se në rast kualifikimi, çdo gjë do të jetë e mundur. Megjithatë, ai përsëriti se aktualisht prioritet mbetet sigurimi i vendit në Kupën e Botës.
Leave a Reply