Shkëlqim Hajdari, koordinatori i protestës që do të zhvillohet sot në sheshin “Skënderbej” në Tiranë, ka bërë të ditur listën e folësve të përfshirë në këtë ngjarje.
Në fillim do të flasë kryetari i Organizatës së Veteranëve, Hysni Gucati, ndërsa Ali Ahmeti do të përmbyllë protestën. Hajdari theksoi se ngjarja nuk do të ketë shumë folës dhe nuk do të përfshijë politikanë aktivë.
Ai sqaroi se Ahmeti do të flasë në cilësinë e tij si ish-udhëheqës i luftës në Kosovë dhe Maqedoninë e Veriut, jo si politikan aktiv. Gjithashtu, ish-presidenti Alfred Moisiu do të mbajë një fjalim, së bashku me përfaqësues të dëshmorëve shqiptarë që kanë dhënë jetën në konfliktet në Kosovë dhe Maqedoni.
Këto detaje u bënë të ditura nga Hajdari para fillimit të protestës.
Leave a Reply