Fotoreporteri francez, Antoni Lallican, i moshës 37 vjeç, humbi jetën në një sulm me dron në rajonin Donbas të Ukrainës lindore, raportojnë shoqatat evropiane të gazetarëve.
Ky është rasti i parë i një gazetari që vritet nga një dron në Ukrainë që pas fillimit të pushtimit të plotë rus në vitin 2022. Lallican, një fotoreporter me përvojë nga Parisi, po ndodhej në Ukrainë që nga marsi i vitit të kaluar, duke dokumentuar pasojat e konfliktit.
Raportohet gjithashtu se gazetari ukrainas Heorgiy Ivanchenko u plagos në të njëjtin sulm. Të dy kishin veshur jelekë mbrojtës me mbishkrimin “Press”.
Presidenti francez, Emmanuel Macron, shprehu ngushëllimet e tij për humbjen e Lallican, duke e quajtur atë një viktimë të një sulmi me dron rus. Ndërkohë, hetimet për rrethanat e sakta të incidentit janë ende në vijim.
Lallican njihej për punën e tij të gjerë në media ndërkombëtare dhe së fundmi ishte nderuar me Çmimin Victor Hugo për reportazhin e tij mbi luftën në Ukrainë.
Leave a Reply