Planet buxhetore të qeverisë franceze për vitin 2026 janë vlerësuar si tepër optimiste nga institucioni i pavarur fiskal mbikëqyrës, i cili paralajmëron se masat e kursimit mund të mos jenë të mjaftueshme.
Kjo situatë përkeqësohet nëse administrata e tanishme rrëzohet, raportojnë mediat ndërkombëtare. Kryeministri Sebastien Lecornu, pas rizgjedhjes së tij, prezantoi projektbuxhetin e ri në parlament, duke rrezikuar një mocion mosbesimi nga opozita e majtë.
Ky buxhet synon të ulë deficitin në një shkallë më të vogël, por mbetet i varur nga disa masa kursimi. Franca, ekonomia e dytë më e madhe e eurozonës, po përballet me një presion të madh fiskal për shkak të një deficiti të lartë buxhetor dhe një borxh të lartë në raport me PBB-në.
Presidenti Emmanuel Macron është përpjekur për uljen e këtij deficiti duke ndryshuar disa herë kryeministrat, por pa arritur sukses të qëndrueshëm. Pjesë e planeve të kursimit janë reduktimet në lehtësimet tatimore dhe masat shtesë fiskale, për të cilat ka dyshime nëse do të zbatohen plotësisht.
Leave a Reply