Sot, më 3 nëntor, fillon zyrtarisht fushata për raundin e dytë të zgjedhjeve për kryetarë komunash, e cila do të vazhdojë deri në hapjen e qendrave të votimit më 9 nëntor në orën 07:00.
Në këtë raund të dytë, gara do të zhvillohet në 17 komuna. Situata politike në vend është mjaft e ndjeshme, për shkak të dështimit në formimin e Qeverisë së re.
Kjo ka ngritur mundësinë e mbajtjes së zgjedhjeve të jashtëzakonshme parlamentare në dhjetor. Balotazhi për kryetarë komunash zhvillohet në këtë kontekst të paqëndrueshmërisë politike, duke bërë që fushata të ketë një rëndësi të veçantë për të ardhmen e qeverisjes lokale dhe ndoshta edhe për zhvillimet e ardhshme kombëtare.
Leave a Reply