Të shtunën, Barcelona pritet të përballet me Gironën në një derbi katalanas në “Estadi Lluis Companys”.
Ky takim ka një rëndësi të veçantë për lojtarin Eric Garcia, i cili rikthehet për të luajtur kundër ish-skuadrës së tij, ku ai kaloi sezonin 2023/2024. Para kësaj sfide, Garcia ndau mendimet e tij me Sport për kohën e kaluar në Montilivi, duke e cilësuar atë si një periudhë të suksesshme që e ndihmoi Gironën të kualifikohej në Ligën e Kampionëve.
Garcia, i cili ka tërhequr interesin e Paris Saint-Germain, komentoi edhe për përpjekjet e Gironës për ta rikthyer atë gjatë një periudhe kur minutat e tij në fushë ishin të kufizuara. Megjithatë, ai vlerësoi vendimin për të qëndruar te Barcelona, një vendim i ndikuar edhe nga bisedat me trajnerin Hansi Flick.
Garcia theksoi se aftësia e tij për të luajtur në pozicione të ndryshme ka qenë një faktor kyç për trajnerin. Një ndeshje vendimtare që ndikoi në situatën e tij ishte ajo ndaj Benficës, tha ai, duke theksuar rëndësinë e kapjes së mundësive.
Leave a Reply