Deputeti i LDK-së, Arben Gashi, ka shpjeguar në emisionin “Pressing” arsyet procedurale dhe ligjore që bëjnë të pamundur miratimin e buxhetit në situatën aktuale politike.
Ai theksoi përgjegjësinë e tij për të siguruar respektimin e Kushtetutës dhe ligjeve, duke vënë në dukje bllokimin e procesit nga rregullorja e Kuvendit. Sipas Gashit, me shpërndarjen e legjislaturës së kaluar, të gjitha propozimet ligjore janë kthyer në pikën zero, duke penguar çdo përparim të mëtejshëm.
Ai sqaroi se ekskluziviteti i propozimit të buxhetit i takon vetëm Qeverisë, bazuar në Ligjin për Financat Publike, dhe jo deputetëve apo grupeve parlamentare. Gashi ngriti edhe çështjen e komisioneve parlamentare, të cilat janë të domosdoshme për shqyrtimin e projektligjit për buxhetin, por që aktualisht nuk ekzistojnë.
Kjo situatë shton vështirësitë për miratimin e buxhetit, pasi komisionet duhet të pasqyrojnë përbërjen politike të Kuvendit, duke respektuar ndarjen pozitë-opozitë.
Leave a Reply