Mustafa Sheqeri, i cili u plagos rëndë gjatë një sulmi pranë aeroportit të Rinasit, vazhdon të jetë në gjendje kritike në spitalin e Traumës.
Sheqeri, që drejtonte makinën tip “Mercedes Benz” ku ndodhej dhe viktima Gilmando Dani, është aktualisht i intubuar dhe po trajtohet në repartin e reanimacionit. Dy personat, Sheqeri dhe Dani, kishin udhëtuar drejt Barcelonës më 7 nëntor dhe u kthyen në Shqipëri një ditë më parë.
Gazetari Igli Çelmeta nga A2CNN shpjegoi se ata kishin një marrëdhënie miqësore prej kohësh, duke qenë arsyeja pse udhëtonin së bashku. Automjeti me të cilin udhëtonin, në momentin kur u qëllua me kallashnikov, nuk ishte në pronësi të asnjërit prej tyre, por i përkiste një personi të tretë.
Ky incident i rëndë ka ngjallur shqetësim në opinionin publik.
Leave a Reply