Gjenerali i pensionuar amerikan, Wesley Clark, duke dëshmuar në Hagë, ka diskutuar ndërveprimet e tij me UÇK-në dhe delegacionin kosovar në Rambuje, duke përfshirë ish-presidentin Hashim Thaçi.
Ai tregoi se gjatë bisedimeve në Rambuje kuptoi se Thaçi nuk ishte komandanti ushtarak i UÇK-së. Clark deklaroi se i ishte kërkuar të merrte pjesë në bisedimet në Rambuje për të bindur serbët të pranonin marrëveshjen që synonte ndalimin e dhunës, por fillimisht nuk iu lejua pjesëmarrja.
Më vonë, ai pati mundësinë të takohej me delegacionin e UÇK-së në fund të bisedimeve të para, ku u takua me Thaçin. Sipas Clark, Thaçi ishte njëri nga personat më me autoritet, megjithëse nuk ishte komandant ushtarak.
Gjithashtu, Clark theksoi se gjatë një takimi të tretë me Thaçin, ai nuk mori përgjigje të qarta rreth forcave ushtarake në terren, duke nënvizuar mungesën e njohurive të Thaçit mbi situatën ushtarake. Për strukturën e UÇK-së, Clark tha se kishte pak informacion, por ishte në dijeni për ekzistencën e grupeve lokale që vepronin në përgjigje të shtypjes serbe.
Leave a Reply