Gjykata Supreme ka hedhur poshtë të gjitha ankesat e paraqitura kundër vendimeve të Panelit Zgjedhor për Ankesa dhe Parashtresa, duke lejuar kështu certifikimin e rezultateve të zgjedhjeve parlamentare të mbajtura më 28 dhjetor.
Në një deklaratë për media, Gjykata konfirmoi se të gjitha ankesat janë konsideruar “të pabazuara”. Një nga ankesat e refuzuara ishte ajo e Partisë Rome të Bashkuar të Kosovës, e cila kishte sfiduar rezultatet zgjedhore.
Gjykata vlerësoi se pretendimi se votat ishin në disproporcion me numrin e banorëve romë nuk qëndron, duke argumentuar se votat e komuniteteve të tjera kanë siguruar përfaqësimin e nevojshëm politik për romët. Po ashtu, ankesa e koalicionit PAI-PDAK-LPB u hodh poshtë, pasi nuk u ofrua asnjë provë për shkelje apo manipulime të votave.
Një sërë ankesash nga Emilija Rexhepi e partisë Nova Demokratska Stranka (NDS) dhe ankesa e kandidatit të PDK-së, Bekim Haxhiu, u refuzuan gjithashtu si të pabazuara.
Leave a Reply