Gjykata Supreme e Kosovës ka hedhur poshtë ankesën e kandidatit të Partisë Demokratike të Kosovës (PDK) për Kuvendin e Komunës së Pejës, Elton Xhemajli.
Ankesa ishte paraqitur kundër vendimit të Panelit Zgjedhor për Ankesa dhe Parashtresa (PZAP), e cila daton më 24 tetor 2025. Xhemajli kishte kundërshtuar rezultatet e zgjedhjeve, duke pretenduar se në disa vendvotime në Pejë kishte mospërputhje mes formularëve dhe rezultateve për subjektet politike.
Ai kërkoi që Gjykata Supreme të urdhëronte rihapjen dhe rinumërimin e votave në Qendrën e Numërimit dhe Rezultateve (QNR) për kandidatët e PDK-së. Gjykata Supreme vendosi të mbështesë qëndrimin e PZAP-së, duke deklaruar se pretendimet për parregullsi gjatë procesit të votimit në Pejë ishin të pabazuara.
Ky vendim e mbyll çështjen, duke konfirmuar se ankesat e Xhemajlit nuk janë të mbështetura në fakte të vlefshme.
Leave a Reply