Në Prishtinë, do të mbyllet përkohësisht një pjesë e rrugës që shkon drejt shkollës “Xhemajl Mustafa” deri te hyrja e tunelit në lagjen “Dardania”.
Kjo masë është marrë për shkak të aktiviteteve kulturore të organizuara nga “Kultura House”. Mbyllja do të fillojë që në orën 08:00 të mëngjesit dhe do të zgjasë deri pas përfundimit të eventit dhe pastrimit të hapësirës publike.
Pjesa tjetër e rrugës do të mbetet e hapur për qarkullim normal. Aktivitetet kulturore pritet të fillojnë në orën 20:00, duke përfshirë performanca muzikore dhe artistike, që synojnë të sjellin një atmosferë festive në zonë.
Autoritetet e Shërbimeve Publike, në bashkëpunim me Policinë e Kosovës dhe Drejtorinë e Kulturës, kanë siguruar se janë marrë të gjitha masat e nevojshme për të garantuar sigurinë e pjesëmarrësve dhe mbarëvajtjen e ngjarjes.
Leave a Reply