Një grua nga Zelanda e Re është dënuar me burgim të përjetshëm pasi vrau dy fëmijët e saj dhe fshehu trupat në valixhe.
Hakyung Lee, 45 vjeç, u shpall fajtore për vrasjen e Yuna dhe Minu Jo, përkatësisht tetë dhe gjashtë vjeç. Ajo do të duhet të kalojë të paktën 17 vjet në burg para se të mund të kërkojë lirim me kusht.
Lee pretendoi se ishte në një gjendje të paqëndrueshme mendore në kohën kur ndodhën krimet në vitin 2018, pas vdekjes së bashkëshortit. Gjykatësi Geoffrey Venning pranoi se shëndeti i saj mendor kishte ndikim, por theksoi se veprimet e saj ishin të paramenduara.
Eshtrat e fëmijëve u gjetën në vitin 2022 nga një çift që kishte blerë një njësi magazinimi në Auckland. Gjatë gjyqit, mbrojtja argumentoi se Lee kishte pësuar një përkeqësim të shëndetit mendor pas humbjes së burrit dhe kishte tentuar vetëvrasje duke përzier antidepresivin nortriptilinë me lëng.
Ndërkohë, prokurorët theksuan se veprimet e saj ishin një përpjekje egoiste për t’u larguar nga përgjegjësitë e prindërimit. Pas krimeve, Lee ndryshoi identitetin dhe u largua nga vendi, por u arrestua në Korenë e Jugut dhe u ekstradua në Zelandën e Re.
Leave a Reply